Feeds:
പോസ്റ്റുകൾ
അഭിപ്രായങ്ങള്‍

തമിഴ് നാട്ടിലേക്ക്

മുഹമ്മദ് രിഫായി

ക്ളാസ് മൂന്ന്

“അമ്മേ വിശക്കുന്നു.” കൊക്കിന്റെ കുഞ്ഞുങ്ങള്‍ പറഞ്ഞു.കൊക്ക് പറന്ന് പാടത്തെത്തി.” ഇവിടെ ഒന്നും തിന്നാനില്ലല്ലോ…..”

കൊക്കിനു വിഷമമായി .അതു പറന്ന് മറ്റൊരു പാടത്തെത്തി .അവിടെയും ഒന്നും തിന്നാനില്ല . കൊക്ക് മക്കളോടു

പറഞ്ഞു , “നമുക്ക് തമിഴ് നാട്ടിലേക്കു പോകാം .” ” ശരി അമ്മേ”. അങ്ങനെ അവര്‍ തമിഴ് നാട്ടിലേക്കു പോയി.

വഴക്ക്

വഴക്കു്

മുഹമ്മദ് രിഫായി

ക്ളാസ് മൂന്ന്

ഒരു ദിവസം ഞാന്‍ കടയില്‍ പോകുമ്പോള്‍ രണ്ടു കീരികള്‍ തമ്മില്‍ തല്ലു കൂടുന്നു..അപ്പോള്‍ ഞാന്‍

പറഞ്ഞു ,”എന്തിനാ വഴക്കിടുന്നത്.” അതൊന്നുംകേള്‍ക്കാതെ അവര്‍ അടുത്തുള്ള കിണറ്റിന്റെ അരികില്‍ നിന്ന്

വീണ്ടും വഴക്കു കൂടി .”എന്തിനാണു വെറുതെ തല്ലു കൂടുന്നത് ?”ഞാന്‍ ദേഷ്യത്തോടെ ചോദിച്ചു .അപ്പോള്‍ ഒരു

കീരി പറഞ്ഞു .”ഞാന്‍ എന്റെ കൂട്ടില്‍ രണ്ടു പാമ്പുകുഞ്ഞുങ്ങളെ വെച്ചിരുന്നു. അത് ഇവന്‍ എടുത്തു തിന്നു.”

”  ഞാന്‍ ഒരെണ്ണമേ എടുത്തിട്ടുള്ളു . എനിക്കു വിശന്നതു കൊണ്ടാ.” ആ കീരി

പറഞ്ഞു. അപ്പോള്‍ ഞാന്‍ പറഞ്ഞു “മറ്റുളുളവരുടേത് എടുക്കണമെങ്കില്‍  അത് അവരോടു ചോദിച്ചിട്ടേ

എടുക്കാവൂ.”  അപ്പോള്‍ ആ കീരി പറഞ്ഞു “ശരി”  രണ്ടു കീരികളും കൂട്ടു കാരാവുകയും ചെയ്തു, ഞാന്‍ വീട്ടിലേക്കു

പോകുകയും ചെയ്തു.

യാത്ര

അന്‍സിഫു് എം 10a

അകന്നുപോകുന്ന മേഘങ്ങള്‍
കാറ്റില്‍ പറന്നുപോകുന്ന ഇലകള്‍
പ്രപഞ്ച സൃഷ്ടികളെല്ലാം തന്നെ
പിരിഞ്ഞു പോകാന്‍ വിധിക്കപെട്ടവര്‍
കായലില്‍ നീന്തുന്ന മത്സ്യം പോലെ
എന്റെ മനസ്സു് നൊമ്പരങ്ങളില്‍ അലയുന്നു
എല്ലാ വഴികളും വിട പറയുന്നവരുടേതു്
ഞാനും………………..
ഏതോ വഴിയിലൂടെ………
ഏകനായി യാത്ര തുടങ്ങട്ടെ!

ജദീറ.പി.വി. സി1

സ്വകാര്യമെന്നു നാം കരുതുന്ന
ഒരിടവും സുരക്ഷിതമല്ല!

താക്കോല്‍ പഴുതിനേക്കാള്‍
ചെറിയ സുഷിരങ്ങള്‍
അതിലൂടെ രഹസ്യങ്ങള്‍ കവരുന്നു
വിശ്വസിക്കുന്നവരും
വിശ്വസിപ്പിക്കുന്നവരും

ചുവന്ന കണ്ണുകളുള്ള കഴുകന്മാരായി
പെണ്‍മനസ്സുകളെ കൊത്തിക്കീറുന്നവര്‍
ഇവിടെ സ്വപ്നങ്ങള്‍ തിരികെ ചോദിക്കുന്നു

സൂക്ഷിക്കുക-
ഇത് അമ്മയെയും പെങ്ങളെയും
തിരിച്ചറിയാത്ത
യന്ത്രക്കണ്ണുകളുടെ കാലം.

ഓര്‍മകള്‍ക്ക് നിറഭേദങ്ങളുണ്ടോ?
തീര്‍ച്ചയായും!
കണ്ണീരിന്റെ കടും നീലനിറം
ചിരിയുടെ ഇളം മഞ്ഞനിറം
സ്വപ്നത്തിന്റെ മയില്‍പ്പീലിനിറം
പേടിയുടെ ഇരുണ്ട തവിട്ടുനിറം
അങ്ങനെയങ്ങനെ ഒരുപാടു് നിറങ്ങള്‍!
കൌമാരമനസുകളുടെ
നിറച്ചാര്‍ത്തുകളിലേക്ക്
ഈ ജാലകം
തുറന്നുവെക്കട്ടെ
ഹൃദയംനിറഞ്ഞ
സ്നേഹത്തോടെ,നന്ദിയോടെ
എന്‍.ബി.മിഥുന്‍.